भारतीय साक्ष्य (पुरावा) अधिनियम २०२३
कलम ६५ :
सादर केलेल्या दस्तऐवजावरील हस्ताक्षर जिचे असल्याने कथित असेल तिचीच असल्याचे सही शाबीत करणे:
एखादा दस्तऐवज कोणत्याही व्यक्तीने स्वाक्षरित केल्याचे अथवा संपूर्णत: किंवा अंशत: लिहिला असल्याचे अभिकथन करण्यात आले असेल तर, ती स्वाक्षरी किंवा दस्तऐवजाचा जितका भाग त्या व्यक्तीच्या हस्ताक्षरात असल्याचे अभिकथित केलेले असेल तेवढा हस्तलिखित भाग तिच्या हस्ताक्षरात असल्याचे शाबीत केले पाहिजे.