विदेशी व्यक्ती अधिनियम १९४६
कलम १४क :
१.(प्रतिबंधित क्षेत्रात प्रवेश केल्याबद्दल शिक्षा, इत्यादी :
जो कोणी,-
(a)क) भारतातील अशा क्षेत्रात प्रवेश करतो, जे या अधिनियमाखाली केलेल्या आदेश किंवा त्याच्या अनुषंगाने दिलेल्या निर्देशांनुसार त्याच्या प्रवेशासाठी प्रतिबंधित आहे, आणि केंद्र सरकारने या उद्देशासाठी राजपत्रात अधिसूचित केलेल्या प्राधिकाऱ्याची परवानगी न घेता प्रवेश करतो किंवा अशा परवानगीपत्रात नमूद केलेल्या कालावधीपेक्षा अधिक काळ त्या क्षेत्रात वास्तव्यास राहतो; किंवा
(b)ख) भारतातील अशा क्षेत्रात, जे या अधिनियमाच्या तरतुदीनुसार केलेल्या आदेश किंवा निर्देशांनुसार, प्रवेश किंवा वास्तव्यासाठी आवश्यक वैध दस्तऐवजांशिवाय प्रवेश करतो किंवा वास्तव्यास राहतो,
तर अशा व्यक्तीस दोन वर्षापेक्षा कमी नसेल परंतु आठ वर्षापर्यंत वाढवता येईल इतक्या मुदतीच्या कालावधीच्या कारावासाची शिक्षा आणि दहा हजार रुपयांपेक्षा कमी नसेल परंतु पन्नास हजार रुपयांपर्यंत वाढविता येइल इतक्या द्रव्यदंडाच्या शिक्षेस पात्र असेल आणि अशा व्यक्तीने कलम ३ च्या पोटकलम (२) च्या खंड (च) यानुसार बंधपत्र करुन दिले असेल तर, तिचे बंधपत्र दंडपात्र होईल, आणि अशा बंधपत्राने बद्ध झालेल्या व्यक्तीला दंड भरावा लागेल, अथवा हा दंड तिला का भरावा लागू नये याबाबत, दोेषसिद्ध करणाऱ्या न्यायालयाचे समाधान होईल अशा प्रकारचे कारण दाखवावे लागेल.)
——–
१. २००४ के अधिनियम क्रमांक १६ याच्या कलम २ द्वारा कलम १४ ऐवजी कलम १४, १४क, १४ख, १४ग समाविष्ट केले.